საღამოს ფურისულას ზეთი შეუდარებელი საშუალებაა ქალთა ჯანმრთელობის შესანარჩუნებლად. ის უაღრესად მდიდარია ფიტოსტეროლებით, უჯერი ცხიმოვანი მჟავებით, ვიტამინებითა და მინერალებით. მას უნივერსალურ თვისებებს მიაწერენ, ცხიმოვანი მჟავების მაღალი შემცველობის გამო ის დადებითად მოქმედებს ქალთა ჰორმონალურ ბალანსზე, მკერდის დისპლაზიაზე, ხასიათის ხშირ ცვალებადობასა და მენსტრუალურ ტკივილზე.

წითელი სამყურა პარკოსანთა ოჯახში შემავალი მცენარეა, რომელიც თითქმის მთელ მსოფლიოში გვხვდება. იზოფლავონებისა და ფიტოესტროგენების სიმრავლის გამო ის რეკომენდირებულია იმ ქალებისთვის, რომელთაც საკუთარი მკერდის ვიზუალური გაუმჯობესება სურთ. ეს ნივთიერებები ადამიანის ჰორმონების მსგავსად მოქმედებს, ზრდის ესტროგენის, პროლაქტინისა და პროგესტერონის დონეს და ამცირებს მამაკაცის სასქესო ჰორმონების რაოდენობას, რომლებიც უარყოფითად მოქმედებს მკერდის ზრდაზე.

ულბო პარკოსანთა ოჯახის მცენარეა, რომელიც უპირატესად აზიასა და ევროპაში ხარობს. ესაა საპონინების, ფლავონოიდებისა და იზოფლავონების შესანიშნავი წყარო, რაც მას ჰორმონების დონის მომატებისთვის იდეალურ საშუალებად ხდის. ულბოში შემავალ ფიტოესტროგენებს შეუძლია, დადებითად იმოქმედოს მკერდის შესახედაობასა და სიმტკიცეზე ესტროგენისმაგვარი ენდოგენური ეფექტების წყალობით.

დონგ ქუაი მცენარეა, რომელიც აზიაში ბუნებრივად ხარობს. ის იქ საუკუნეების განმავლობაში გამოიყენებოდა, როგორც სამკურნალო საშუალება ქალებისთვის, რომელთაც მტკივნეულ მენსტრუაციასა და მენოპაუზასთან დაკავშირებული პრობლემები აწუხებს. ფიტოესტროგენების სიმრავლის წყალობით ის არეგულირებს ჰორმონალურ ბალანსს, აუმჯობესებს განწყობას და შეიძლება დადებითად იმოქმედოს მკერდის ზომასა და შესახედაობაზე.

სო პალმეტო არის მცენარე, რომელიც უმეტესად ჩრდილოეთ და ცენტრალურ ამერიკაში იზრდება. ის ამცირებს ანდროგენების, ესე იგი, მამრობითი ჰორმონების დონეს, რომელთაც მკერდის ზრდის შენელება და ჭარბი თმიანობის გამოწვევა შეუძლია. ამასთანავე, ის ასევე შეიძლება მტკივნეულ მენსტრუაციასთან დაკავშირებულ დისკომფორტსაც ამცირებდეს.

სვია კვებისა და კოსმეტიკის ინდუსტრიაში ფართოდ გამოყენებადი მცენარეა. ფიტოესტროგენების სიმრავლის გამო მას ნატურალურ მედიცინაშიც იყენებენ. ქალბატონებისთვის მისი ფასეულობა მკერდის ზომისა და შესახედაობის გაუმჯობესების, ჰორმონალური ბალანსის რეგულირებისა და ძილის ხარისხის გაუმჯობესების უნარით განისაზღვრება.

ცერეცო ძირითადად კულინარიული თვალსაზრისით ცნობილი მცენარეა. ფიტოესტროგენებისა და სხვა აქტიური ინგრედიენტების სიმრავლის გამო, შესაძლებელია მისი გამოყენება ქალთა ჯანმრთელობის გასაუმჯობესებლადაც. ის დადებითად მოქმედებს მკერდის სიმტკიცეზე, ამცირებს მენსტრუალურ ტკივილსა და მენოპაუზასთან ასოცირებულ შეუძლოდ ყოფნას.

ჰიალურონის მჟავა არის პოლისაქარიდი და საშენი მასალა, რომელიც სხეულის ყველა შემაერთებელ ქსოვილში გვხვდება. ის კანს სიმტკიცესა და ელასტიურობას ანიჭებს, ასაკის მომატებისას კი მისი შემცველობა მცირდება, რის გამოც კანის ელასტიურობაც ქვეითდება. ამიტომაა მნიშვნელოვანი მისი სათანადო დონის შენარჩუნებაზე ზრუნვა, რაც უფრო დიდი ხნის განმავლობაში მოგცემთ ლამაზი და მტკიცე კანით სიამოვნების საშუალებას.

პანტოთენის მჟავა, ანუ ვიტამინი B5, ჯანმრთელობის შენარჩუნებისთვის ერთ-ერთი ყველაზე მნიშვნელოვანი ვიტამინია. ის მნიშვნელოვან როლს თამაშობს კანისა და ქსოვილების რეგენერაციაში, ჰორმონების პროდუცირებასა და ანტისხეულების წარმოქმნაში. მისი დეფიციტი სისუსტეს, ძილის პრობლემებს, კანის დაზიანებებსა და თმის პიგმენტაციის დარღვევას იწვევს.

B6 ვიტამინი, რომელიც ასევე პირიდოქსინის სახელითაა ცნობილი, სხეულში მიმდინარე მრავალი პროცესისთვის საჭირო ნივთიერებაა. ის არეგულირებს ჰორმონალურ აქტივობას, ხელს უწყობს ნერვული და იმუნური სისტემების სათანადო ფუნქციონირებას, ამცირებს დაღლილობისა და დაქანცულობის შეგრძნებას. მისი დეფიციტი ანემიას, კანის დაზიანებასა და იმუნიტეტის დაქვეითებას იწვევს.