ალოე ვერა არის მცენარე, რომელიც კოსმეტოლოგიასა და ნატურალურ მედიცინაში ასობით წლის განმავლობაში გამოიყენება. ის ასზე მეტ აქტიურ ნივთიერებას შეიცავს, მათ შორის, უამრავ ვიტამინს, მინერალსა და უჯერ ცხიმოვან მჟავას. მისი უპირატესობა კანის დატენიანებისა და სიმტკიცის მატების უნარში მდგომარეობს. მას აქვს დამამშვიდებელი ეფექტი კანის გაღიზიანებისას, გააჩნია ანტისეპტიკური და ანალგეზიური თვისებებიც.

გუარანა, რომელიც ცენტრალურ და სამხრეთ ამერიკაში ხარობს, წარმოადგენს მცენარეს, რომელიც უპირატესად თავისი მასტიმულირებელი თვისებებითაა ცნობილი, რაც მეტწილად კოფეინის მაღალ შემცველობას უკავშირდება (ის ყავაზე 4-ჯერ მეტ კოფეინს შეიცავს). თუმცა, მისი სასარგებლო თვისებები ამით არ შემოიფარგლება, რადგან კოფეინს ასევე დადებითი ეფექტი აქვს კანის მიკროცირკულაციაზე. ეს გულისხმობს კვების გაუმჯობესებას და აქტიური ნივთიერებების უფრო ეფექტურ ტრანსპორტირებას ქსოვილებში.

პანაქს ჟენშენი სამკურნალო ფესვია, რომელსაც ჩინეთში 4 000-ზე მეტი წლის განმავლობაში გამოიყენებენ. ის ერთ-ერთი ყველაზე ფართოდ აღწერილი მცენარეული ნედლეულია სამედიცინო ლიტერატურაში, რაც მის შეუდარებელ და უნივერსალურ თვისებებს ცხადყოფს. ხასიათდება აქტიურ ნივთიერებათა უჩვეულოდ მაღალი შემცველობით, მათ შორის, შეიცავს ჯინსენოზიდებს, ფლავონოიდების ნაერთებს, ფენოლმჟავებს, პეპტიდოგლიკანებსა და აცეტილენურ ნაერთებს. ადგილობრივი გამოყენებისას ის ეფექტურად ასტიმულირებს კანში სისხლის მიწოდებას, აქვს ადაპტოგენური და გამაახალგაზრდავებელი ეფექტები.

გინკგო ბილობა არის ხის სახეობა, რომელსაც ტრადიციულ ჩინურ და იაპონურ მედიცინაში ასობით წლის განმავლობაში გამოიყენებენ. ის ფლავონოიდებისა და ანტიოქსიდანტების მაღალი შემცველობით ხასიათდება, რომლებიც კანის შესახედაობასა და მდგომარეობას აუმჯობესებენ. ასევე, დადებით გავლენას ახდენს სისხლის მიმოქცევის სისტემაზე ტერპენის ლაქტონების შემცველობის გამო, რომლებიც სისხლის უჯრედებზე მოქმედებს და ეხმარება მათ მეტი ჟანგბადის გადატანასა და ცირკულაციის გაუმჯობესებაში. ასევე, მას სისხლძარღვების გაფართოება და სისხლში აზოტის ოქსიდის ტრანსპორტირების გაუმჯობესება შეუძლია, რაც გლუვი კუნთების რელაქსაციას იწვევს და შესაძლოა, გამოსადეგი იყოს ერექციული დისფუნქციის დროს.

ჰადერა ჰელიქსი მარადმწვანე სუროს ნაირსახეობაა, რომელიც თითქმის მთელ ევროპაში გვხვდება. ის დიდი რაოდენობით შეიცავს საპონინებს, ისევე, როგორც ფლავონოიდებს, ფენოლებს, კუმარინებსა და ეთერზეთებს. ის სისხლძარღვებს ამაგრებს და აძლიერებს, ასტიმულირებს სისხლის მიმოქცევას, აუმჯობესებს საკვები ნივთიერებების შეწოვას კანიდან და ამაგრებს წვრილ კაპილარებს.

პიტნა მდიდარია ეთერზეთებით, ანტიოქსიდანტებით, A ვიტამინით, კალიუმითა და კალციუმით. მიიჩნევა, რომ გააჩნია დამატენიანებელი, გამამაგრებელი და მატონიზირებელი თვისებები. მიაწერენ, ასევე, ანტიბაქტერიულ და ანთების საწინააღმდეგო მოქმედებას, მასში შემავალ ეთერზეთებს კი ენერგიით აღმვსები და მასტიმულირებელი ეფექტები აქვს.

D-პანთენოლი B5 ვიტამინის წარმოებულია, რომელიც მნიშნელოვან როლს თამაშობს ეპიდერმისის რეკონსტრუქციაში. მას ძლიერი დამატენიანებელი ეფექტი გააჩნია, ამცირებს გაღიზიანებას და გაწითლებულ კანს შვებას აძლევს. ასევე, ის ხელს უშლის მის მომატებულ სიმშრალეს და აძლიერებს მის ბუნებრივ ბარიერულ ფუნქციას.