მადაგასკარის აფრამონი, ასევე ცნობილი სამოთხის მარცვლის სახელით, მცენარეა, რომელიც აფრიკაში ხარობს. ის უაღრესად მდიდარია 6-პარადოლით, ქიმიური ნაერთით, რომელიც წონის კლების ხელშემწყობ უნიკალურ თვისებებს ფლობს. კლინიკური კვლევები ადასტურებს, რომ მას სხეულის ენერგოდანახარჯის გაზრდა და ცხიმის შემცირების სტიმულაცია შეუძლია, გარდა ამისა, აუმჯობესებს სხეულის ლიპიდურ პროფილსაც. ამასთანავე, მას თერმოგენული ეფექტებიც აქვს, აძლიერებს გლუკოზას მოხმარებას და აინჰიბირებს ადიპოციტებში ლიპიდების სინთეზს.

აშვაგანდას ექსტრაქტი სტანდარტიზებულად 5% ვიტანოლიდებს შეიცავს. ასევე Withania somnifera სახელწოდებით ცნობილი ეს მცენარე სხეულს სხვადასხვა დონეზე ეხმარება. კვლევები აჩვენებს, რომ იგი ეფექტურად ამცირებს სტრესს, აუმჯობესებს კონცენტრაციის უნარსა და კოგნიტურ ფუნქციებს, აუმჯობესებს ძილის ხარისხსაც. გარდა ამისა, KSM-66^®-ის გამოყენება ეფექტურად აუმჯობესებს ვარჯიშის დროს კარდიოვასკულარულ ფუნქციებს, ამცირებს სხეულის ცხიმს, აუმჯობესებს კუნთების აღდგენას, აძლიერებს კუნთურ ძალასა და ზრდის სიჩქარეს.

მწვანე ჩაის ფოთლების უმაღლესი ხარისხის ექსტრაქტი 40%-მდე EGCG-ს შეიცავს. EGCG, ანუ ეპიგალოკატექინის გალატი არის პოლიფენოლი, რომელიც ძლიერ ანტიოქსიდანტურ ეფექტს ავლენს. მას ცხიმის შემცირების, სხეულის ლიპიდური პროფილის გაუმჯობესებისა და სისხლში გლუკოზას დონის რეგულირების უნარი აქვს. EGCG-ს მოქმედების მექანიზმი COMT ენზიმის ინჰიბირებაა, რომელიც ნორეპინეფრინს შლის და ნაერთი სწორედ ამ გზით ახანგრძლივებს სიმპათიკური ნერვული სისტემის სტიმულაციას და ააქტივებს თერმოგენეზს.

ზაფრანას ბუტკოს ექსტრაქტი კროცინისა და საფრანალის გარანტირებულ რაოდენობას შეიცავს. მის ეფექტურობას კლინიკური კვლევები ადასტურებს. ნაჩვენებია, რომ ის საკვლევ პირთა 100%-ში იწვევდა ძილის ზოგადი ხარისხის გაუმჯობესებას, ჩაძინების გაადვილებას, შფოთვის მოხსნას, გაღვიძებისას გამოძინებულ და ენერგიულ თვითგრძნობას. იმ პირთა 86%-მა, რომლებიც Saffr’Activ^®-ს იღებდნენ, განაცხადეს, რომ კვლევის დასრულების შემდეგაც მკურნალობის გაგრძელება სურდათ.

L-თეანინი არის ამინომჟავა, რომელიც მწვანე ჩაის ფოთლებში მოიპოვება. მას ნოოტროპული ეფექტი აქვს, რაც იმას ნიშნავს, რომ ტვინისა და ნერვული სისტემის ფუნქციონირებას უწყობს ხელს. L-თეანინი ეფექტურად აუმჯობესებს კონცენტრაციის უნარს, კრეატიულობასა და მეხსიერებას. გარდა ამისა, ის სტრესსაც ამცირებს, ანტიდეპრესანტულ და ნეიროპროტექტორულ თვისებებს ავლენს.

ბარამბო ხშირად ერთ-ერთი პირველი ასოციაციაა, რომელიც განწყობისა და თვითგრძნობის ამამაღლებელ ბალახებზე საუბრისას ჩნდება. ამგვარი დამოკიდებულება სამართლიანიცაა, რადგან მას ანტიკური ხანიდან გამოიყენებენ როგორც სამკურნალო, ისე კულინარიული მიზნით. ის მოდუნებას, ჩაძინების გაადვილებას, პოზიტიური განწყობისა და ნორმალური კოგნიტური ფუნქციების შენარჩუნებას განაპირობებს.

შავი წიწაკის ნაყოფის ექსტრაქტი, რომელიც 95% პიპერინს შეიცავს. პიპერინი არის ალკალოიდი, რომელიც წიწაკის გამორჩეულ გემოზეა პასუხისმგებელი. მას ასევე თერმოგენეზის მასტიმულირებელი თვისებებიც აქვს, რაც სითბოს წარმოქმნის პროცესს გულისხმობს, შედეგად, ენერგიის გაძლიერებულ ხარჯვას იწვევს და წონის კლებაში მონაწილეობს.

ვიტამინი B6 სასიცოცხლოდ მნიშვნელოვანია მთელი სხეულის სათანადო ჯანმრთელობის შესანარჩუნებლად. ის ნერვული სისტემის შესაბამის ფუნქციონირებას განაპირობებს და მონაწილეობს სათანადო ენერგეტიკული მეტაბოლიზმის შენარჩუნებაში. მისი დეფიციტი შეიძლება იწვევდეს კონცენტრაციის გაძნელებას, ნერვოზულობას, ანემიასა და კანის პრობლემებს.

მაგნიუმის ბუნებრივი ფორმა, რომელიც კრისტალურად სუფთა ზღვის წყლიდან მოიპოვება. ის ნორმალური ენერგეტიკული მეტაბოლიზმის შენარჩუნებას, დაღლილობისა და დაქანცულობის შეგრძნების შემცირებას განაპირობებს. გარდა ამისა, ის ასევე ნორმალური მენტალური ფუნქციების შენარჩუნებასა და ელექტროლიტური ბალანსის დაცვაშია ჩართული.

N-აცეტილ-L-თიროზინი თიროზინიდან წარმოებული ამინომჟავაა. ის იმ დანამატების პოპულარული ინგრედიენტია, რომლებიც ნერვული სისტემისა და ტვინის ფუნქციონირებას უწყობს ხელს. თიროზინი არის ენდოგენური ამინომჟავა, რომელიც ჩართულია ჰორმონების სინთეზში და უჯრედშიდა ბიოლოგიური მესენჯერის როლში გვევლინება.