საფუარის ექსტრაქტი, რომელიც 60%-მდე ნუკლეოტიდებს შეიცავს. ნუკლეოტიდი არის კომპონენტი, რომელიც აუცილებელია ნუკლეინის მჟავების სინთეზისთვის, როგორიცაა დნმ, რნმ და სხვა პოლინუკლეოტიდები და ფერმენტები, რომლებიც სხეულისა და იმუნური სისტემის ნორმალურ ფუნქციონირებას უწყობს ხელს. Immunell™ ასტიმულირებს სპეფიციკურ შინაგან დაცვით მექანიზმებს, აჩქარებს და აძლიერებს იმუნურ პასუხს გარეგან ფაქტორებზე და ამარაგებს ორგანიზმს ნუკლეოტიდებით, რათა გააადვილოს უჯრედების რეგენერაცია უჯრედული პროლიფერაციისა და ქსოვილთა განახლების გზით.

ანწლი არის ბუჩქი, რომლის სიმაღლე 10 მეტრამდე აღწევს და ევროპის თითქმის ყველა რეგიონში გვხვდება. ის უაღრესად მდიდარია ანტიოქსიდანტებით, ანთოციანინებითა და ფლავონოიდებით. ის ხელს უწყობს სხეულის ბუნებრივი დამცველობითი მექანიზმებისა და იმუნური სისტემის ფუნქციონირებას. მას შვება მოაქვს სასუნთქი გზების გაღიზიანების შემთხვევაში, რაც ხშირად გვხვდება გაციებისა და ვირუსული ინფექციების დროს. ის ეხმარება ორგანიზმს ჟანგვითი სტრესისა და თავისუფალი რადიკალებისგან თავდაცვაში, რომლებიც უჯრედთა დაზიანებას იწვევს.

ასკილი ბუჩქის სახეობაა, რომელიც ჩრდილოეთ ნახევარსფეროს ზომიერ და თბილ ზონებში გვხვდება. მისი ნაყოფი ბუნებრივად უაღრესად მდიდარია C ვიტამინით და მოცემულ პროდუქტში გამოყენებული ექსტრაქტი მას 70%-მდე შეიცავს. ის ხელს უწყობს იმუნური სისტემისა და ბუნებრივი დამცავი მექანიზმების ფუნქციონირებას და ქმნის ბარიერს მავნე მიკროორგანიზმებისთვის. ანტიოქსიდანტებისა და პოლიფენოლების მაღალი შემცველობის გამო ის ასევე განაპირობებს უჯრედთა დაცვას თავისუფალი რადიკალებისგან.

სოფორას ხე მეტწილად შორეულ აღმოსავლეთშია ნაპოვნი და ასევე ცნობილია, როგორც Sophora japonica. მისი ყვავილები და ნაყოფი ფართოდ გამოიყენება ნატურალურ მედიცინაში ვიტამინებისა და მინერალების სიმდიდრის გამო. სოფორას ხეში შემავალი კვერცეტინი ანთების საწინააღმდეგო და ანტივირუსული კომპონენტია. უკანასკნელმა კვლევებმა აჩვენა, რომ შესაძლოა, მას ჰქონდეს ვირუსის გარსის პროტეინებთან დაკავშირების და ამგვარად მათი აქტივობის ინჰიბირების უნარი. პროდუქტში გამოყენებული ექსტრაქტი 98%-მდე კვერცეტინს შეიცავს.

უმაღლესი ხარისხის ზღვის წყალმცენარეებისგან დამზადებული ეს ვეგეტარიანული პრეპარატი ტრადიციული D3 ვიტამინის ალტერნატივაა, რომელსაც ცხოველური ინგრედიენტებიდან იღებენ. D ვიტამინი საკვანძო როლს ასრულებს სხეულის სათანადო ცხოველქმედებაში. ის განაპირობებს იმუნური სისტემის სწორ ფუნქციონირებას და ანთებითი რეაქციების სწორ წარმართვას ორგანიზმში. ის გავლენას ახდენს კალციუმისა და ფოსფორის სათანადო შეწოვაზე და შეაქვს წვლილი კარდიოვასკულარული დაავადებების პრევენციაში.

რუტინი არის ფლავონოიდი, რომელიც ბუნებრივად მოიპოვება ხილსა და ბოსტნეულში, სადაც შემღებავი აგენტის როლში გვევლინება. ის ანელებს C ვიტამინის დაჟანგვას, შედეგად კი ახანგრძლივებს მის ეფექტს. მას ანტიოქსიდანტურ და სისხლძარღვების გამამაგრებელ თვისებებსაც მიაწერენ. მისი ბუნებრივი წყაროებია სოფორას ხე, ანწლი, კოწახური, ევკალიპტი, ციტრუსები და ბაღის პიტნა.

ერთ-ერთია საკვანძო მინერალთაგან, რომლებიც საჭიროა სხეულის სათანადო ფუნქციონირების შესანარჩუნებლად. მას წვლილი შეაქვს იმუნური სისტემის სწორ ფუნქციონირებაში. განაპირობებს დნმ-ის, ცილებისა და ლიპიდების დაცვას ოქსიდაციური სტრესისგან. თუთიის დეფიციტი შეიძლება გამოვლინდეს კანის პრობლემებით, იმუნიტეტის დაქვეითებით, გემოსა და ყნოსვის დარღვევებით.